اخبار فوری
د اروپايي اتحادیې پیغام د نړېوال د علم په ورځ؛ “په افغانستان کې زدهکړې د سولې، پرمختګ او روښانه راتلونکې بنسټ دی
فــــهــــيـــم شـاهـیـن
20 عقرب 1404
246
کابل – د نړېوال د علم د ورځې په مناسبت، د اروپايي اتحادیې استازولۍ په افغانستان کې اعلان کړی چې زدهکړې او علم د هېواد د دوامدارې سولې، پرمختګ او بشري سوکالۍ لپاره حیاتي ارزښت لري
په خپره شوې اعلامیه کې راغلي، اروپايي اتحادیه د افغان زدهکوونکو، ښوونکو او علمي بنسټونو ملاتړ ته ژمنه ده، ځکه چې “په علم او زدهکړه پانګونه کول د سولې، نوښت او د خپلواک راتلونکي په لور پانګونه ده
د اتحادیې په وینا، افغانستان هغه وخت کولی شي د ناخوالو له کړاوونو ووځي، چې د خپلو ماشومانو او ځوانانو د زدهکړې دروازې پرانیستې وساتي، او د هغوی استعدادونه د هېواد د ودې او ثبات لپاره وکاروي
په اعلامیه کې ټینګار شوی چې علم یوازې د پرمختګ وسیله نه ده، بلکې د سولې، زغم، ګډ ژوند او انساني تفاهم د رامنځته کولو تر ټولو اغېزمنه لار هم ده
د اروپايي اتحادیې استازولۍ زیاته کړې
موږ باور لرو چې د افغانستان راتلونکی د علم، زدهکړې او د نوي نسل د تفکر پر ځواک ولاړ دی. هر ښوونکی او هر زدهکوونکی د سولې سفیر دی
د نړېوالې ټولنې د متخصصینو په باور، د علم د ودې او ښوونې د فرصتونو پراخول کولی شي د افغانستان د ځوان نسل د هیلې او اعتماد روحیه بېرته راژوندۍ کړي او هېواد د دوامدارې سولې او پرمختګ په لور روان کړي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl