مقاله

سعودي عربستان او روسیې ترمنځ بې‌وېزې سفرونه پيل شول

اشتراک گذاری:

بریا نیوز (جمعه،۲۴ثور ۱۴۰۵)

دسعودي عربستان او روسیې ترمنځ نن له وېزې پرته د تګ راتګ پرېکړه په رسمي ډول پلې شوه

د دغې پرېکړې له مخې، د دواړو هېوادونو وګړي کولای شي د چکر، راکړې ورکړې، لیدنو او نورو چارو لپاره تر نوې ورځو پورې پرته له وېزې یو بل هېواد ته ولاړ شي

دا پرېکړه د دواړو هېوادونو ترمنځ د نږدې اړیکو، راشه درشې او ګډو ګټو لپاره یو ستر ګام بلل کېږي. تمه کېږي چې له دې وروسته به د دواړو هېوادونو ترمنځ د مېلمنو تګ راتګ ډېر شي او د راکړې ورکړې لارې به لا پراخې شي

د چارو څارونکي وایي، دغه پرېکړه به د دواړو هېوادونو ترمنځ باور لا ټینګ کړي او د خلکو ترمنځ به نږدېوالی زیات کړي. همداراز ویل کېږي چې دا بدلون به د چکر وهلو او سوداګریزو چارو لپاره نوې اسانتیاوې رامنځته کړي

په وروستیو کلونو کې د سعودي عربستان او روسیې اړیکې تر پخوا ډېرې پیاوړې شوې دي، او دا تازه پرېکړه د دواړو هېوادونو د نږدېوالي یوه بله مهمه نښه ګڼل کېږي