د افغانستان لوړپوړی پلاوی ایران ته روان شو؛ د علي خامنه‌ یي د جنازې په مراسمو کې د ګډون لپاره رسمي سفر

د افغانستان لوړپوړی پلاوی ایران ته روان شو؛ د علي خامنه‌یي د جنازې په مراسمو کې د ګډون لپاره رسمي سفر

بریانیوز- پنجشنبه ١۱ سرطان ١٤٠٥

د افغانستان یو لوړپوړی دولتي پلاوی د ایران د پخواني رهبر آیت‌الله علي خامنه‌یي د جنازې په مراسمو کې د ګډون په موخه تهران ته سفر کړی دی. دا سفر د دواړو ګاونډیو هېوادونو ترمنځ د رسمي اړیکو او ډیپلوماټیکو تماسونو د دوام په لړ کې ترسره شوی دی

د ورکړل شویو معلوماتو له مخې، دغه پلاوی د   مولوي عبدالغني برادر په مشرۍ روان شوی، چې د اقتصادي چارو د مرستیال وزیر په توګه هم دنده ترسره کوي. نوموړی د افغانستان د پلاوي مشري کوي چې د یادو مراسمو د رسمي ګډون لپاره ايران ته تللی دی

راپورونه ښيي چې دغه پلاوی به د جنازې په رسمي مراسمو کې ګډون وکړي او د افغانستان د حکومت له لوري به د تسلیت پیغامونه او د درناوي رسمی څرګندونې هم وړاندې شي

دغه سفر داسې مهال ترسره کېږي چې د سیمې سیاسي او ډیپلوماټیک حالات د پام وړ بدلونونو په حال کې دي، او د ګاونډیو هېوادونو ترمنځ د اړیکو د پیاوړتیا هڅې زیاتې شوې دي. د شنونکو په باور، د لوړپوړو پلاوو ګډون په داسې مراسمو کې د ډیپلوماټیکو اړیکو د نرمښت او د تعامل د فضا د پراخېدو نښه ګڼل کېږي

د علی خامنه اې د جنازې مراسم په سیمه‌ییزه او نړیواله کچه د پام وړ اهمیت لري، او ګڼ هېوادونه هڅه کوي چې په رسمي ډول خپل استازي دغو مراسمو ته واستوي

بلخوا، دا سفر د افغانستان او ایران ترمنځ د اړیکو د راتلونکې لپاره هم مهم بلل کېږي، ځکه دواړه هېوادونه د سرحدي، اقتصادي او سیاسي همکاریو پراخې اجنډاوې لري

د سیاسي شنونکو په وینا، د داسې لوړپوړو پلاوو ګډون نه یوازې د رسمي درناوي څرګندونه ده، بلکې د سیمه‌ییزو اړیکو د نوي پړاو د پیل لپاره هم زمینه برابرولی شي