مقاله

خیبر پښتونخوا: چارسده کې د افغان کډوالو پر ضد عملیات؛ له ۱۱۵ ډېر کسان نیول شوي

اشتراک گذاری:

بریانیوز - جمعه ٢۶ سرطان ١٤٠٥

د خیبر پښتونخوا په چارسده ولسوالۍ کې د افغان کډوالو پر ضد عملیات د ټاکل شوي ضرب‌الاجل له پای ته رسېدو وروسته چټک شوي دي

د چارسدې د ځایي چارواکو د معلوماتو له مخې، د روانې جولای میاشتې له ۱۱مې نېټې راهیسې د ترسره شویو عملیاتو پر مهال تر ۱۱۵ ډېر افغان کډوال نیول شوي دي

چارواکي وايي، دغه عملیات د هغو افغان کډوالو د پېژندلو او نیولو لپاره ترسره کېږي چې د اوسېدو قانوني اسناد نه لري

په ورته وخت کې، یو شمېر افغان کډوال وايي چې د دغو عملیاتو له امله له ستونزو او اندېښنو سره مخ شوي او د خپلو راتلونکو برخلیکونو په اړه اندېښمن دي

د پاکستان حکومت په وروستیو میاشتو کې د بې‌اسناده بهرنیو وګړو د ایستلو بهیر سخت کړی، چې له امله یې زرګونه افغان کورنۍ له پاکستانه افغانستان ته ستنې شوې دي

بشري بنسټونو مخکې هم خبرداری ورکړی چې د کډوالو د ایستلو پر مهال باید د هغوی له حقونو سره سم چلند وشي او د راستنېدونکو کورنیو لپاره د مرستو او خوندیتوب زمینه برابره شي