حامد کرزي د افغانستان د وروستي پاچا ظاهر شاه د مړینې ۱۹مه کلیزه یاده کړه

اشتراک گذاری:

بریانیوز - جمعه، ۲ اسد ١٤٠٥

کابل – د افغانستان پخواني ولسمشر حامد کرزي د افغانستان د وروستي پاچا محمد ظاهر شاه د مړینې د ۱۹مې کلیزې په مناسبت په خپله اېکس پاڼه پیغام خپور کړی او د هغه یادونه یې کړې ده

کرزي محمد ظاهر شاه یو وطن‌پال، هوښیار او د سولې غوښتونکی مشر بللی او ویلي یې دي چې د اساسي نظام د جوړولو، د قانون حاکمیت د پیاوړتیا او د سولې د هڅو لپاره د هغه اقدامات د افغانستان په تاریخ کې له مهمو پړاوونو څخه شمېرل کېږي

نوموړي ویلي، د ظاهر شاه د واکمنۍ پر مهال د هېواد د سیاسي ثبات او ملي یووالي لپاره هڅې وشوې او د هغه د دورې ځینې تجربې لا هم د افغانستان د تاریخي بهیر یوه برخه ده

محمد ظاهر شاه چې د افغانستان وروستی پاچا و، له ۱۹۳۳ کال څخه تر ۱۹۷۳ کال پورې یې واکمني وکړه. هغه وروسته له واکه د لرې کېدو څخه په جلاوطنۍ کې ژوند وکړ او په ۲۰۰۷ کال کې په کابل کې وفات شو