اخبار فوری
افغانستان او اوزبېکستان: د اقتصادي همکاریو نوی پړاو پیلوي؛ د ۱۰۰ زره ټنه پنبې پېر او د سوداګرۍ پراختیا ته هوکړې
فــــهــــيـــم شـاهـیـن
05 اسد 1405
6
افغانستان او اوزبېکستان: د اقتصادي همکاریو نوی پړاو پیلوي؛ د ۱۰۰ زره ټنه پنبې پېر او د سوداګرۍ پراختیا ته هوکړې
بریانیوز - دوشنبه، ۵ اسد ١٤٠٥
د امارتي شرکتونو رییس، احمدجان بلال، او د ملي پراختیا شرکت اجراییه رییس، عبدالرحمن عطاش، د اوزبېکستان د لومړي وزیر له مرستیال جمشید خواجه یف سره د دواړو هېوادونو ترمنځ د سوداګرۍ، پانګهونې او اقتصادي همکاریو د پراختیا په اړه خبرې کړې دي
د لیدنې پر مهال دواړو لوریو د سوداګریزو او سیاحتي ویزو د اسانتیاوو، د افغان تازه مېوو د صادراتو د پراختیا، د افغانترانس پروژې د چټک عملي کېدو، د نساجۍ صنعت د پیاوړتیا او په بېلابېلو پراختیایي پروژو کې د ګډې همکارۍ پر لارو چارو بحث او د نظرونو تبادله وکړه
د اوزبېکستان د لومړي وزیر مرستیال ویلي، هېواد یې د روان کال په ترڅ کې افغانانو ته پنځه زره ویزې صادرې کړې او د لا ډېرو اسانتیاوو د برابرولو لپاره هم عملي ګامونه پورته کوي
هغه همداراز ډاډ ورکړ چې اوزبېکستان به له افغان بزګرانو څخه ۱۰۰ زره ټنه پنبه وپېري او د کیمیاوي سرو، اصلاح شویو تخمونو او بنسټیزو پراختیایي پروژو په برخه کې به خپلې همکارۍ لا پراخې کړي
دا لیدنه په داسې مهال ترسره کېږي چې کابل او تاشکند د اقتصادي اړیکو د پراخولو، د دوه اړخیزې سوداګرۍ د ودې او د ګډو پراختیایي پروژو د چټک عملي کېدو لپاره خپلې هلې ځلې ګړندۍ کړې دي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl