اخبار فوری
اخبار افغانستان
د میوند تاریخي جګړې: د میوند تاریخي جګړې ۱۴۶مه کلیزه؛ هغه ورځ چې افغان ځواکونو برېټانیوي پوځ ته ستره ماتې ورکړه
فــــهــــيـــم شـاهـیـن
05 اسد 1405
6
د میوند تاریخي جګړې: د میوند تاریخي جګړې ۱۴۶مه کلیزه؛ هغه ورځ چې افغان ځواکونو برېټانیوي پوځ ته ستره ماتې ورکړه
بریانیوز - دوشنبه، ۵ اسد ١٤٠٥
نن د زمري پنځمه، د میوند د تاریخي جګړې ۱۴۶مه کلیزه ده؛ هغه ورځ چې د افغانستان په تاریخ کې د مېړانې، قربانۍ او ملي مقاومت د یوې سترې نښې په توګه ثبت شوې ده
د ۱۲۵۹ لمریز کال د زمري په پنځمه، چې د ۱۸۸۰ زېږدیز کال د جولای له ۲۷مې نېټې سره سمون لري، د سردار ایوب خان په مشرۍ افغان ځواکونو د میوند په تاریخي جګړه کې د برېټانیوي پوځ پر وړاندې مهمه بریا ترلاسه کړه او د هغه وخت پیاوړي استعماري ځواک ته یې درنه ماتې ورکړه
د میوند جګړه د افغانستان د خپلواکۍ غوښتنې او د خلکو د مقاومت له مهمو تاریخي پېښو څخه ګڼل کېږي. دغه جګړه د افغانانو د یووالي، زړورتیا او قربانۍ له امله په ملي حافظه کې ځانګړی ځای لري
د میوند حماسه د ملالې میوندۍ د تاریخي شجاعت او هغې له مشهورو ټپو سره هم تړاو لري، چې د جګړې په ډګر کې یې د افغان سرتېرو مورال پیاوړی کړ او د مېړانې یوه تلپاتې بېلګه وګرځېده
د تاریخپوهانو په باور، د میوند جګړې د افغانستان په معاصر تاریخ کې ژور اغېز پرېښود او د خپلواکۍ د مبارزو په لړۍ کې یې مهم مقام خپل کړ
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl