اخبار فوری
فــــهــــيـــم شـاهـیـن
08 اسد 1405
44
پاکستان: خیبر پښتونخوا کې خونړی برید؛ ۹ پولیس وژل شوي او ۲۸ نور ټپیان دي
بریانیوز/ پنجشنبه ( ۸ / اسد /۱۴۰۵هـ.ش)
د پاکستان د خیبر پښتونخوا ایالت په هنګو ولسوالۍ کې پر یوې امنیتي پوستې د وسلهوالو کسانو په برید کې د پولیسو د یوه لوړپوړي چارواکي په ګډون ۹ پولیس وژل شوي او ۲۸ نور ټپیان شوي دي
د پاکستاني رسنیو د راپورونو له مخې، وسلهوالو کسانو د امنیتي پوستې پرسونل په نښه کړل او له برید وروسته د امنیتي ځواکونو او بریدګرو ترمنځ سخته نښته رامنځته شوه
د خیبر پښتونخوا پولیسو ویلي، امنیتي ځواکونو د برید په غبرګون کې عملیات ترسره کړل چې په پایله کې یې ۱۵ وسلهوال ووژل شول او یو شمېر نور ټپیان شول
پولیسو زیاته کړې چې د پېښې له سیمې څخه د بریدګرو د پېژندنې او د هغوی د ملګرو د موندلو لپاره پلټنې روانې دي. امنیتي چارواکو ویلي چې د پېښې ټول اړخونه تر څېړنې لاندې دي
تر اوسه هېڅ کومې وسله والې ډلې د دغه برید مسؤلیت نه دی منلی، خو په خیبر پښتونخوا کې په وروستیو میاشتو کې د امنیتي ځواکونو پر ضد ورته بریدونه زیات شوي دي
د سیمې امنیتي وضعیت په وروستیو کلونو کې د اندېښنې وړ بلل شوی، ځکه چې په بېلابېلو ولسوالیو کې د وسلهوالو فعالیتونو بیا زیاتېدو د امنیتي ادارو اندېښنې هم ډېرې کړې دي
د پاکستان امنیتي چارواکي وایي چې د وسلهوالو پر وړاندې عملیات به دوام ولري، څو په سیمه کې د امنیت د ټینګښت لپاره هڅې پیاوړې شي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl