اخبار فوری
افغان کډوالو : له پاکستانه ۸۸۰ افغان بندیان خوشې او هېواد ته راستانه شول؛ په ترکیه کې ۳۲ افغانان نیول شوي
فــــهــــيـــم شـاهـیـن
08 اسد 1405
56
افغان کډوالو : له پاکستانه ۸۸۰ افغان بندیان خوشې او هېواد ته راستانه شول؛ په ترکیه کې ۳۲ افغانان نیول شوي
بریانیوز/ پنجشنبه ( ۸ / اسد /۱۴۰۵هـ.ش)
په داسې حال کې چې له بېلابېلو هېوادونو د افغان کډوالو د نیولو او بېرته ستنولو لړۍ دوام لري، د طالبانو د کډوالو او بېرته راستنېدونکو چارو وزارت وایي، ۸۸۰ افغان بندیان له پاکستاني زندانونو تر خوشې کېدو وروسته د ننګرهار او کندهار له لارو افغانستان ته راستانه شوي دي
د وزارت د خبرپاڼې له مخې، په راستانه شویو کسانو کې ښځې، ماشومان، کورنۍ او مجرد کسان شامل دي، چې د بېلابېلو لاملونو له امله په پاکستان کې نیول شوي وو
بلخوا، راپورونه ښيي چې په ترکیه کې هم ۳۲ افغان وګړي نیول شوي، خو د هغوی د نیول کېدو د علت او حقوقي وضعیت په اړه تر اوسه نور جزئیات نه دي خپاره شوي
په وروستیو میاشتو کې له پاکستان، ایران، ترکیې او یو شمېر نورو هېوادونو څخه د افغانانو د نیولو، ایستلو او بېرته ستنولو بهیر چټک شوی، چې د زرګونو افغان کډوالو راتلونکې یې له جدي اندېښنو سره مخ کړې ده
د کډوالو چارو څارونکي وایي، د بېرته ستنېدونکو د شمېر په زیاتېدو سره په افغانستان کې د سرپناه، کاري فرصتونو او لومړنیو بشري خدمتونو اړتیا هم ورځ تر بلې لوړېږي، او د دغو ستونزو د حل لپاره د نړیوالو مرستو او همغږۍ اړتیا لا ډېره شوې ده
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl