مقاله

مارکو روبیو: د کابل په برید کې وژل شوي ۱۳ امریکايي سرتېري به هېڅکله هېر نه کړو

اشتراک گذاری:

بریانیوز جمعه ( ۶/ سنبله /۱۴۰۵هـ.ش)

واشنګټن — د امریکا د بهرنیو چارو وزیر مارکو روبیو وايي، پنځه کاله وړاندې په کابل کې د «ابي ګېټ» له خونړۍ چاودنې سره په تړاو وژل شوي ۱۳ امریکايي سرتېري به هېڅکله هېر نه کړي

روبیو د دغې پېښې د پنځمې کلیزې په مناسبت ویلي، هغه امریکايي سرتېري چې د افغانستان له تخلیې او د خلکو د ایستلو پر مهال وژل شوي، د امریکا لپاره یې ستره قرباني ورکړې ده

نوموړي د کابل د هوايي ډګر پر برید سختې نیوکې کړې او ویلي یې دي چې امریکا به د دغې پېښې له یاد او درسونو سترګې پټې نه کړي

د ۲۰۲۱ کال د اګست په ۲۶مه د کابل هوايي ډګر د «ابي ګېټ» ته څېرمه په یوه ځانمرګي برید کې ۱۳ امریکايي سرتېري او له ۱۷۰ ډېر افغان ملکي وګړي ووژل شول. د برید مسوولیت داعش خراسان ډلې ومانه

روبیو ټینګار کړی چې امریکا به بیا داسې حالت ته اجازه ورنه کړي چې د هغه په وینا، د امریکايي ځواکونو پر وړاندې ورته «ستر خیانت» تکرار شي

د «ابي ګېټ» برید پنځه کاله وروسته لا هم د افغانستان له جګړې څخه د امریکايي ځواکونو د وتلو د څرنګوالي په اړه د امریکا د سیاسي او پوځي بحثونو له مهمو موضوعاتو څخه دی