اخبار جهان

امریکا حکومت : امریکا په ګرینلنډ کې د دوو پوځي اډو د جوړولو او بیا فعالولو پلان لري

اشتراک گذاری:

(بریانیوز سه شنبه (۳۱/ سنبله /۱۴۰۵هـ.ش

د امریکا حکومت غواړي په ګرینلنډ کې خپل پوځي حضور پراخ کړي او د دې ټاپو په سوېل کې د سړې جګړې له دورې یوه پخوانۍ پوځي اډه بېرته فعاله کړي او په ختیځه برخه کې یوه نوې پوځي اډه جوړه کړي

د معلوماتو له مخې، د دغو اډو د بیا فعالولو او جوړولو اړوند هوکړه ټاکل شوې د روانې اوونۍ د سې‌شنبې په ورځ د ملګرو ملتونو د عمومي غونډې په څنډه کې په نیویارک کې د امریکا، ډنمارک او ګرینلنډ ترمنځ لاسلیک شي

د سپینې ماڼۍ په وینا، د دې هوکړې اساسي موخه د ګرینلنډ او امریکا د امنیت پیاوړتیا او د سیمې د دفاعي وړتیاوو لوړول دي

ګرینلنډ د شمالي قطب په ستراتېژیکه سیمه کې موقعیت لري او د جغرافیایي موقعیت له امله د امریکا، ډنمارک او نورو هېوادونو لپاره پوځي او امنیتي اهمیت لري

د دغې هوکړې بشپړ جزیات، په ځانګړي ډول د اډو د موقعیت، شمېر، پوځي ظرفیت او د فعالیت د څرنګوالي په اړه معلومات، لا نه دي په بشپړ ډول خپاره شوي