اخبار فوری
فــــهــــيـــم شـاهـیـن
03 میزان 1405
40
نوی ډیلي :د هند دیني عالمانو د سود د معاصرو مسایلو لپاره فقهي جرګه پیل کړه
(بریانیوز جمعه (۳/ میزان /۱۴۰۵هـ.ش
د هند د دیني عالمانو ټولنې د سود اړوند د معاصرو فقهي مسایلو د څېړنې او د هغو لپاره د شرعي حکمونو د روښانه کولو په موخه یوه فقهي لویه جرګه رابللې ده
دغه جرګه د دیوبند د مشر مفتي زینالاسلام قاسم ابادي په مشرۍ پیل شوې، چې په ترڅ کې به د معاصرې مالي نړۍ له بدلونونو سره تړلي د سود بېلابېل ډولونه او اړوندې مسئلې وڅېړل شي
د غونډې ګډونوال به د معاصرې بانکدارۍ، غیرمستقیم سود، بیمې او اعتباري معاملاتو، انلاین سوداګرۍ او سودي پورونو په اړه د اسلامي فقهې له نظره بحثونه وکړي
همداراز به په هغو بانکونو او مالي ادارو کې د کار کولو مسئله هم وڅېړل شي چې له یوې خوا خیریه او ټولنیز خدمتونه ترسره کوي او له بلې خوا سودي معاملات لري
د دیني عالمانو په وینا، د دغو بحثونو موخه دا ده چې د معاصر مالي نظام د نوو معاملاتو په اړه د مسلمانانو لپاره روښانه فقهي لیدلوری وړاندې شي او د نویو رامنځته شویو مسایلو په اړه مناسب شرعي نظرونه او فتواوې چمتو شي
تمه ده چې د جرګې په پای کې د مطرح شویو موضوعاتو په اړه د علماوو د بحثونو او څېړنو پر بنسټ نوي فقهي نظرونه وړاندې شي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl