مقاله

دوحه : د قطر امریکايي کمپ د تړل کېدو پر درشل؛ ۱۱۰۰ افغانان د خپل برخلیک په تمه

اشتراک گذاری:

(بریانیوزدو شنبه (۶/ میزان /۱۴۰۵هـ.ش

ټاکل شوې د قطر په السیلیه سیمه کې امریکايي کمپ د سپټمبر په ۳۰مه وتړل شي، خو په دغه کمپ کې له ۲۰۲۱ کال وروسته ساتل شوي شاوخوا ۱۱۰۰ افغانان لا هم د خپل راتلونکي په اړه له نامعلوم برخلیک سره مخ دي

راپورونه ښيي چې د کمپ د تړل کېدو نېټه نږدې شوې، خو تر اوسه دغو افغانانو ته په ډاګه نه ده شوې چې له کمپ څخه وروسته به کوم هېواد ته ولېږدول شي او یا به د دوی د راتلونکي استوګنې لپاره څه پرېکړه کېږي

د امریکا حکومت تر دې وړاندې د دغو افغانانو د بیا مېشتولو لپاره له یو شمېر افریقايي هېوادونو سره د خبرو هڅې کړې وې، خو دغه طرحه له امریکا دننه له نیوکو سره مخ شوه او د راپورونو له مخې بهیر یې ودرېد

اوس د کمپ د تړل کېدو له نېټې سره هممهاله، د پاتې افغانانو د برخلیک پوښتنه لا هم بې‌ځوابه ده او د هغوی کورنۍ د راتلونکې پرېکړې په تمه دي