اخبار جهان

اوسپنې پټلۍ : قزاقستان، ازبکستان او متحده عربي امارات د افغانستان له لارې د اوسپنې پټلۍ پر ګډه پروژه کار کوي

اشتراک گذاری:

(بریانیوزجمعه(۱۰/ میزان /۱۴۰۵هـ.ش

قزاقستان، ازبکستان او متحده عربي امارات غواړي د افغانستان او پاکستان له لارې د منځنۍ اسیا د هېوادونو لپاره د سمندري بندرونو د لاسرسي په موخه د اوسپنې پټلۍ نوې لاره جوړه کړي

د معلوماتو له مخې، د درېیو هېوادونو اړوندو ادارو د «منځنۍ اسیا ـ جنوبي اسیا» په نوم د اوسپنې پټلۍ د دهلېز د پراختیا په اړه د همکارۍ هوکړه لاسلیک کړې ده. د دې پروژې له مخې به د اوسپنې پټلۍ لاره له قزاقستانه پیلېږي، د ازبکستان او افغانستان له لارې به پاکستان ته رسېږي او د دغه هېواد له سمندري بندرونو سره به ونښلول شي

د هوکړې له مخې، درې واړه هېوادونه به د پروژې تخنیکي او اقتصادي ارزونې ترسره کوي او د اوسپنې پټلۍ د اړینو بنسټونو د جوړولو امکان به هم څېړي

د پروژې د تخنیکي، اقتصادي او مالي اړخونو د ارزونې لپاره د یوې ګډې کاري ډلې د جوړېدو امکان هم شته

که دا پروژه عملي شي، د منځنۍ اسیا هېوادونو ته به د پاکستان د سمندري بندرونو له لارې د عربي سمندر پر لور د سوداګریزو توکو د لېږد نوې لار برابره شي او د سیمې ترمنځ به د سوداګرۍ او ترانزیټ اړیکې لا پیاوړې شي