اخبار فوری
د افغانستان د عامې روغتیا وزیر د سعودي عربستان: د عامې روغتیا وزیر د ملک سلمان له بشري بنسټ څخه د افغانستان د روغتیايي مرکزونو د تجهیز غوښتنه وکړه
فــــهــــيـــم شـاهـیـن
10 عقرب 1404
155
ریاض– د افغانستان د عامې روغتیا وزیر د سعودي عربستان د سفر پر مهال د ملک سلمان د خیریه او بشري بنسټ له مشر سره لیدنه کړې او له هغه یې غوښتي چې د افغانستان د روغتیايي برخې له پاره خپلې مرستې زیاتې کړي او د هېواد روغتیايي مرکزونه له پرمختللو وسایلو او تجهیزاتو برخمن کړي
د عامې روغتیا وزارت د یوې خبرپاڼې له مخې، په دې لیدنه کې د افغانستان روغتیايي وضعیت، د درملو کمښت، او د بیړنیو روغتیايي خدمتونو اړتیاوې له سعودي لوري سره شریکې شوې دي
وزیر ویلي، چې د افغانستان روغتیايي بنسټونه له ګڼو ننګونو سره مخ دي، او د ملک سلمان د بنسټ همکاري کولای شي د میلیونونو افغانانو د ژوند په ژغورلو کې رغنده رول ولوبوي
د ملک سلمان د خیریه بنسټ مشر په دې لیدنه کې د افغانستان له خلکو سره د دوامداره مرستو ژمنه تکرار کړې او ویلي یې دي، چې سعودي عربستان د بشري همکارۍ په برخه کې له افغانستان سره د اوږدمهاله مشارکت پیاوړتیا ته ژمن دی
د یادونې ده چې د ملک سلمان خیریه بنسټ له تېرو څو کلونو راهیسې د افغانستان په بېلابېلو ولایتونو کې د خوړو، درملو او عاجلو روغتیايي مرستو په وړاندې کولو کې مهم رول لوبولی دی
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
dSvXCdDsOpiOWxtqJcFHVoBJ
-
BbjGYfVvnCqzmaVT
-
FYgtpBvvsvxnPazF