اخبار جهان

د ملګرو ملتونو د بشري حقونو راپور ورکوونکی ریچارد بېنېټ: نړۍ دې د طالبانو د چلند عادي کېدو ته غبرګون وښيي

اشتراک گذاری:

د ملګرو ملتونو د افغانستان د بشري حقونو ځانګړي راپور ورکوونکي، ریچارد بېنېټ، د طالبانو د چلند د عادي کېدو په اړه جدي اندېښنه څرګنده کړې او ویلي یې دي چې نړۍ باید د افغانستان د بشري حقونو د وضعیت په اړه چوپ پاتې نه شي

بېنېټ ویلي، افغانستان دا مهال د جنسیتي برابري پر وړاندې د نړۍ له سختو بریدونو څخه تېرېږي، او که نړیواله ټولنه بې‌پروا پاتې شي، د ښځو حقونه به لا نور له منځه ولاړ شي

هغه زیاته کړه:

د ښځو غږ، د هغوی حضور او ګډون په پرېکړو کې باید له پامه ونه غورځول شي، ځکه د افغانستان راتلونکی له همدې مسلې سره تړلی دی

ریچارد بېنېټ په ځانګړي ډول د ښځینه کارکوونکو پر وړاندې د طالبانو د محدودیتونو په اړه خبرداری ورکړی او دا یې «ډېر اندېښمنوونکی پرمختګ» بللی دی. د ده په وینا، دغه محدودیتونه نه یوازې د ښځو پر بنسټیزو حقونو تېری دی، بلکې د بشري مرستو د رسولو بهیر هم له جدي ستونزو سره مخ کړی دی

نوموړي نړیوالو بنسټونو او هېوادونو ته غږ کړی چې د افغان ښځو د ملاتړ په برخه کې خپلې هڅې زیاتې کړي او د طالبانو له لوري د بشري حقونو د نقض پر وړاندې روښانه دریځ ونیسي