اخبار فوری
فــــهــــيـــم شـاهـیـن
21 عقرب 1404
222
د طالبانو ویاند ذبیحالله مجاهد ویلي، د کابل ښاروالۍ د روان کال لپاره ۲۵۸ پراختیایي پروژې پلان کړې دي چې ټولیز ارزښت یې ۸.۱۲ میلیارده افغانۍ ټاکل شوی دی
د ښاغلي مجاهد په وینا، تر اوسه د دغو پروژو څخه ۱۷۰ بشپړې شوې دي، او پاتې نورې پروژې په پوره چټکۍ سره د عملي کولو په پړاو کې دي. دا پروژې د ښار د سړکونو جوړونې، اوبو لګولو، فاضلابي سیستمونو، پارکونو، ښوونځیو او نورو عامه خدماتو د ښهوالي لپاره طرحه شوي دي
هغه همدارنګه وویل چې د ۱۴۲ نورو پروژو مالي ملاتړ د بېلابېلو خیریه بنسټونو له خوا کیږي، خو د تطبیق او څارنې بشپړ مسؤلیت د کابل ښاروالۍ په غاړه دی
د ښاروالۍ چارواکي وایي، هدف یې دا دی چې د کابل ښار اوسېدونکو ته عصري سهولتونه برابر شي، د ښار ښکلا او نظم لوړ شي، او د بیارغونې پروسې ته نوی روح ورکړل شي
ځايي اوسېدونکي د دې پروژو هرکلی کوي او هیله څرګندوي چې د ښار د سړکونو، پاکوالي او نورو عامه خدمتونو ستونزې به په چټکۍ سره حل شي
د کابل ښاروالۍ ټینګار کړی چې هڅه کوي ټولې پروژې په شفافیت، لوړ کیفیت او ټاکلي وخت کې بشپړې کړي، څو کابل د ښکلې او معیاري ژوند وړ ښار په توګه وځليږي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl