اخبار فوری
فــــهــــيـــم شـاهـیـن
21 عقرب 1404
112
د اماراتو د شرکتونو عمومي ریاست په رسمي ډول په کابل ښار کې د سکرو د وېش بهیر پیل کړ، چې هدف یې د بازار د نرخونو څخه ټیټ قیمت کې د اړمنو کورنیو ملاتړ او د ژمي په یخنیو کې د خلکو ستونزو کمول دي
د دې پروګرام له مخې، اوس ښاري اوسېدونکي کولای شي سکرو ته په ارزانه او اسانه توګه لاسرسی پیدا کړي. چارواکو وویل چې وېش به په منظمه او شفافه توګه ترسره شي، څو ټولې کورنۍ د دې اسانتیا څخه برخمنې شي او د ژمي په موسم کې له تودوخې کمښت سره مخ نه شي
د اماراتو شرکتونو مسوولین ټینګار کوي چې دا طرحه د خلکو د ژوند د ښهوالي لپاره اخیستل شوې او د اړتیا وړ مواد به په منظم ډول د ښاري سیمو ترمنځ وېشل کېږي. دوی همدارنګه وعده کړې چې په راتلونکو ورځو کې به د وېش د ساحې پراخوالی ډېر شي، څو نورې ولسوالۍ هم د دې پروګرام ګټې ترلاسه کړي
د کابل اوسېدونکي د دې اقدام هرکلی کړی او په دې باور دي چې دا به د ژمي په موسم کې د خلکو د ژوند د آسانتیا لپاره لوی ګام وي. د ښار اوسېدونکي هیله څرګندوي چې دغه پروګرام به په راتلونکو کلونو کې هم دوام وکړي او د نورو اړینو موادو په وېش کې هم ورته اسانتیاوې رامنځته شي
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
dSvXCdDsOpiOWxtqJcFHVoBJ
-
BbjGYfVvnCqzmaVT
-
FYgtpBvvsvxnPazF