اخبار فوری
فــــهــــيـــم شـاهـیـن
11 عقرب 1405
31
بایننس: د هک شوې ۶.۳ میلیارده ډالرو پانګې ۶ میلیارده مو بېرته جبران کړې
(بریانیوز دوشنبه (۱۱/ عـقـرب/۱۴۰۵هـ.ش
د ډیجیټلي اسعارو د راکړې ورکړې ستر شرکت بایننس ویلي، د خپلو مالي زیرمو له لارې یې د هک شوې ۶.۳ میلیارده ډالرو پانګې شاوخوا ۶ میلیارده ډالر بېرته جبران کړي او د پاتې ۳۰۰ میلیونه ډالرو د بېرته ترلاسه کولو لپاره به لا لږ وخت ته اړتیا وي
د بایننس د معلوماتو له مخې، دغه لویه مالي غلا د شمالي کوریا له هکرانو سره تړاو لري چې د شرکت له سیستمونو څخه یې میلیاردونه ډالر ترلاسه کړي دي. شرکت ادعا کړې چې د غلا شویو پیسو له ډلې یې شاوخوا درې میلیارده ډالر کنګل کړي دي، څو د هکرانو له خوا د لېږد او کارولو مخه یې ونیول شي
دا پېښه د ډیجیټلي اسعارو په نړۍ کې د یوې تر ټولو لویې سایبري غلا په توګه یاده شوې ده. د پېښې له امله د بایننس پر امنیتي سیستمونو او د ډیجیټلي شتمنیو د ساتنې پر لارو چارو پوښتنې راپورته شوې دي
بایننس ویلي، د خپلو مالي زیرمو په کارولو سره یې د زیانمنو شویو پیسو د جبرانولو هڅې کړې دي. د شرکت په وینا، د پاتې پیسو د بېرته جبران بهیر هم روان دی او تمه ده چې د دې کار لپاره به لږ نور وخت ته اړتیا وي
دې پېښې یو مهم اړخ دا دی چې د شرکت له لوري د پیسو د جبرانولو ترڅنګ د غلا شویو شتمنیو د کنګل کولو هڅې هم روانې دي؛ خو د ټولو پیسو د بېرته ترلاسه کېدو او د پېښې د بشپړ څرنګوالي په اړه لا نور جزئیات نه دي وړاندې شوي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl