اخبار فوری
فــــهــــيـــم شـاهـیـن
09 عقرب 1405
34
هند : درې قصابانو ته د غوا د حلالولو او غوښې پلورلو په تور د عمر قید سزا ورکړل شوې
(بریانیوزشنبه (۹/ عـقـرب/۱۴۰۵هـ.ش
د هند د ګجرات ایالت یوې محکمې درې قصابان د غوا د حلالولو او د هغې د غوښې پلورلو په تور په عمري بند محکوم کړي دي
د ورکړل شویو معلوماتو له مخې، قاضي د حکم د صادرولو پر مهال ویلي چې د غواګانو د نسل د ساتنې لپاره باید د قانون له مخې سختې سزاوې ورکړل شي، ځکه د نوموړي په وینا، که دا ډول سزاوې عملي نه شي، د غواګانو نسل به له منځه ولاړ شي
په هند کې غوا د هندوانو په مذهبي باورونو کې ځانګړی ځای لري او ډېری هندوان هغې ته سپېڅلی حیوان او د مور په سترګه ګوري. د همدې مذهبي او کلتوري باورونو له امله د دغه هېواد په ګڼو ایالتونو کې د غوا حلالول، د غوښې ساتل او پلورل د ځانګړو قوانینو له مخې منع یا محدود شوي دي
د هند د غوا ساتنې قوانین په بېلابېلو ایالتونو کې توپیر لري او د سرغړونې لپاره یې سزاوې هم یو شان نه دي. د ګجرات په ګډون په ځینو ایالتونو کې د غوا د حلالولو او د غوښې د ناقانونه سوداګرۍ لپاره سختې جزاګانې ټاکل شوې دي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl