اخبار جهان

مسکو: روسیې پر اوکراین د بالسټیک توغندیو تازه بریدونه کړي

اشتراک گذاری:

(بریانیوزجمعه (۸/ عـقـرب/۱۴۰۵هـ.ش

د رویټرز خبري اژانس د اوکرایني چارواکو په حواله راپور ورکړی چې روسیې د اوکراین پر دغه هېواد د بالسټیک توغندیو تازه بریدونه کړي دي. دا بریدونه په داسې حال کې ترسره کېږي چې د اوکراین چارواکو له وړاندې د روسیې له لوري د ورته بریدونو د زیاتېدو خبرداری ورکړی و

د اوکراین ولسمشر ولادیمیر زلنسکي تر دې وړاندې ویلي وو چې روسیه د اوکراین پر وړاندې د بالسټیک توغندیو د بریدونو لپاره چمتووالی نیسي. نوموړي خبرداری ورکړی و چې د دغو توغندیو د مخنیوي لپاره د اوکراین دفاعي سیستمونه باید پیاوړي شي

زلنسکي ټینګار کړی و چې کیف د روسیې د توغندیزو بریدونو پر وړاندې د خپل هوايي حریم د ساتنې لپاره نورو دفاعي تجهیزاتو ته اړتیا لري، څو د احتمالي بریدونو مخه ونیسي او د خلکو ژوند او مهمې زیربناوې خوندي کړي

د اوکرایني چارواکو څرګندونې د روسیې د تازه توغندیزو بریدونو په اړه دي؛ خو په ورکړل شويو معلوماتو کې د بریدونو د دقیقو ځایونو، د احتمالي مرګ‌ژوبلې او مالي زیانونو په اړه جزئیات نه دي بیان شوي