اخبار جهان

ايران: د هرمز تنګي کې د ماینونو له چاودنو وروسته درې تېل‌وړونکي بېړۍ اور اخیستی

اشتراک گذاری:

(بریانیوزجمعه (۸/ عـقـرب/۱۴۰۵هـ.ش

د ایران د سپاه پاسداران د څرګندونو له مخې، د هرمز په تنګي کې له ماینونو سره د ټکر له امله درې تېل‌وړونکو بېړیو اور اخیستی او یوه بله بېړۍ هم له ماین سره ټکر شوې ده

الجزیرې د سپاه پاسداران په حواله راپور ورکړی، چې دغه پېښې د هرمز په تنګي کې رامنځته شوې دي؛ هغه سمندري لار چې د نړۍ د تېلو د لېږد په برخه کې ستراتیژیک اهمیت لري

په ورته وخت کې، امریکايي رسنیو راپور ورکړی، چې د امریکا ولسمشر ډونالډ ټرمپ ته د ایران پر وړاندې د احتمالي پوځي اقداماتو بېلابېل انتخابونه وړاندې شوي دي

د دغو راپورونو له خپرېدو سره د ایران او امریکا ترمنځ د کړکېچ د لا زیاتېدو اندېښنې راپورته شوې دي هرمز تنګی د نړۍ د انرژۍ د لېږد له مهمو لارو څخه دی او په دغه سیمه کې هر ډول پوځي پېښه کولای شي پر نړیوالو تېلو او سوداګریزو لېږدونو اغېز وکړي