اخبار جهان

بنیامین نتنیاهو : د ښي اړخي حکومت د جوړولو غوښتنه کړې؛ آیزنکوت د هغه د واکمنۍ د دوام مخالفت کړی

اشتراک گذاری:

(بریانیوزپنجشنبه (۷/ عـقـرب/۱۴۰۵هـ.ش

د اسراییلو صدراعظم بنیامین نتنیاهو او سیاسي سیال یې ګادي آیزنکوت د سې‌شنبې ورځې له ټاکنو وروسته د دغه هېواد د راتلونکي حکومت او مشرتابه په اړه بېلابېل دریځونه څرګند کړي دي

نتنیاهو د ټاکنو له پایلو وروسته د یوه ښي اړخي حکومت د جوړولو غوښتنه کړې او ویلي یې دي چې غواړي د همدې سیاسي جریان په ملاتړ د حکومت مشري پر مخ یوسي

بل لور ته، ګادي آیزنکوت ویلي چې د رایې ورکوونکو دریځ د نتنیاهو د صدراعظمۍ د دوام پر وړاندې مخالفت څرګندوي. نوموړي د نتنیاهو د واکمنۍ د دوام په اړه د خلکو پر مخالفت ټینګار کړی دی

خو د رایې ورکولو وروسته ترسره شوې نظرپوښتنې ښيي چې د اسراییلو دوو اصلي سیاسي ډلو یا ائتلافونو هېڅ یوه هم په پارلمان کې د اکثریت جوړولو لپاره اړینې څوکۍ نه دي ګټلې

د دغو پایلو له مخې، د راتلونکي حکومت جوړول ښايي له سیاسي ستونزو سره مخ شي او د حکومت د جوړېدو لپاره به د نورو ګوندونو ملاتړ او د ائتلافونو جوړول مهم وي