اخبار فوری
فــــهــــيـــم شـاهـیـن
07 عقرب 1405
32
نړیواله ورځ : د مغزي سکتې نړیواله ورځ؛ د پوهاوي، مخنیوي او درملنې پر اهمیت ټینګار
(بریانیوزپنجشنبه (۷/ عـقـرب/۱۴۰۵هـ.ش
د مغزي سکتې نړیواله ورځ هر کال د دې ناروغۍ د خطرونو، د مخنیوي لارو چارو او درملنې په اړه د عامه پوهاوي د لوړولو او له ناروغانو څخه د ملاتړ په موخه نمانځل کېږي
دغه ورځ په ۲۰۰۶ کال کې د مغزي سکتې نړیوال سازمان له خوا رامنځته شوه، څو د دې ناروغۍ د نښو، احتمالي خطرونو او د وخت پر مهال د طبي مرستې د ترلاسه کولو اهمیت ته د خلکو پام واړوي
د مغزي سکتې نړیوال سازمان په ۲۰۱۰ کال کې مغزي سکته د عامې روغتیا په برخه کې بېړنی حالت اعلان کړ. له هغه وخت راهیسې دغه سازمان د عامه پوهاوي د پراختیا او د مغزي سکتې د ناروغانو لپاره د روغتیايي خدمتونو د ښه کولو په برخه کې هڅې کوي
مغزي سکته هغه مهال رامنځته کېږي چې د دماغ یوې برخې ته د وینې جریان بند شي یا په دماغ کې د وینې رګ وشلېږي. د مخ ناڅاپي کږېدل، د یوه لاس یا پښې کمزوري او د خبرو کولو ستونزه یې له مهمو نښو څخه دي. د دغو نښو په څرګندېدو سره باید ناروغ سمدستي روغتون ته ورسول شي، ځکه چې پر وخت درملنه د دایمي معلولیت او مړینې خطر کمولی شي
د وینې د لوړ فشار کنټرول، منظم فزیکي فعالیت، سالمه تغذیه، د سګرټو نه کارول او د شکرې او نورو اړوندو ناروغیو درملنه د مغزي سکتې د خطر په کمولو کې مهم رول لري
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl