اخبار فوری
شفيق احمد
08 عقرب 1405
46
د ملګرو ملتونو د راپور له مخې، په افغانستان کې د تریاکو تولید په ۲۰۲۶ کال کې د تېر کال په پرتله نږدې پنځه برابره زیات شوی، سره له دې چې طالبانو د کوکنارو پر کښت بندیز لګولی دی.
بریانیوز- پنجشنبه، ٧ عقرب ١٤٠٥
د ملګرو ملتونو د نشهيي توکو او جرمونو پر وړاندې د مبارزې دفتر په خپل راپور کې لیکلي، چې په افغانستان کې د تریاکو ټولیز تولید په ۲۰۲۵ کال کې شاوخوا ۳۰۰ ټنه و، خو په ۲۰۲۶ کال کې نږدې ۱۵۰۰ ټنو ته لوړ شوی دی.
د راپور له مخې، د کوکنارو د کښت ساحه هم د پام وړ پراخه شوې ده. په ۲۰۲۵ کال کې د کوکنارو کرل شوې ځمکه شاوخوا ۱۰ زره هکټاره وه، خو په ۲۰۲۶ کال کې دا اندازه له ۴۳ زره هکټارو زیاته شوې ده.
طالبانو په ۲۰۲۲ کال کې د کوکنارو پر کښت بندیز ولګاوه، خو د وخت په تېرېدو د دغه فرمان عملي کول له ستونزو سره مخ شوي دي.
د راپور د معلوماتو له مخې، د کوکنارو د کښت او تریاکو د تولید زیاتوالی داسې مهال رامنځته کېږي، چې یو شمېر بزګران د قانوني کرنیزو محصولاتو له کمې ګټې شکایت کوي. د دوی په وینا، د نورو کرنیزو محصولاتو عاید د کورنیو د اړتیاوو د پوره کولو لپاره بسنه نه کوي او د خپلو ماشومانو د خوراکي توکو برابرول ورته ستونزمن شوي دي.
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl