امربالمعروف وزارت: د ښځو حقونه باید د اسلامي شریعت له مخې تعریف شي

اشتراک گذاری:

(بریانیوزپنجشنبه (۷/ عـقـرب/۱۴۰۵هـ.ش

د طالبانو د امربالمعروف، نهې عن المنکر او شکایتونو د اورېدلو وزارت ویاند ویلي، د ښځو حقونه باید د اسلام د مبارک دین د شریعت له مخې تعریف او تأمین شي، نه د نورو هېوادونو د سیاسي اجنډاوو او تحمیلي معیارونو پر بنسټ

د وزارت ویاند ټینګار کړی چې د ښځو د حقونو په اړه باید اسلامي اصول او شرعي احکام معیار وګرځول شي او د دغو حقونو د تعریف او تأمین لپاره باید د بهرنیو سیاسي غوښتنو پر ځای د اسلامي شریعت لارښوونې په پام کې ونیول شي

د ښځو د حقونو موضوع په افغانستان کې له مهمو او بحث‌پارونکو مسایلو څخه ده. د طالبانو له بیا واکمنېدو وروسته د نجونو پر زده‌کړو او د ښځو پر کار او ټولنیز مشارکت محدودیتونه لګول شوي، چې د نړیوالو بنسټونو او د بشري حقونو د سازمانونو له نیوکو سره مخ شوي دي