ملګرو ملتونو : بامیانو کې ۴۰ ښځو ته د خیاطۍ او لاسي صنایعو د جوړولو روزنیز کورس پیل شو

اشتراک گذاری:

(بریانیوزجمعه (۸/ عـقـرب/۱۴۰۵هـ.ش

د ملګرو ملتونو د کډوالو عالي کمېشنرۍ په بامیانو ولایت کې ۴۰ ښځو ته د خیاطۍ او دستکولونو جوړولو د مهارتونو د زده‌کړې کورس پیل کړی دی

د یادې ادارې په وینا، د دې روزنیز پروګرام موخه دا ده چې ښځې د خیاطۍ او لاسي صنایعو په برخه کې اړین مهارتونه ترلاسه کړي او وکولای شي د خپلو تولیداتو له پلور څخه عاید ترلاسه کړي

په دې کورس کې ګډونوالې ښځې هیله لري چې د زده‌کړو له لارې به د کار زمینه ورته برابره شي او وبه کولای شي د خپلو کورنیو په اقتصادي ملاتړ کې ونډه واخلي

خو د نړیوالو مرستندویو بنسټونو پر فعالیتونو نیوکې هم کېږي. ځینې نیوکه‌کوونکي وایي، نړیوال سازمانونه خپلې لویې بودیجې د کارکوونکو پر لوړو معاشونو او اداري لګښتونو مصرفوي او د مرستو ډېره کمه برخه یې په مستقیم ډول اړمنو افغانانو ته رسېږي. دوی ټینګار کوي چې مرستې باید د لنډمهالو روزنیزو پروګرامونو پر ځای د افغانانو د دوامدارې اقتصادي ودې او د کارموندنې لپاره اغېزمنې لارې چارې برابرې کړي