اخبار فوری
فــــهــــيـــم شـاهـیـن
09 عقرب 1405
27
هرات : د ښځو د قالین اوبدلو تر ټولو لوی مرکز د امربالمعروف له لوري تړل شوی
(بریانیوزشنبه (۹/ عـقـرب/۱۴۰۵هـ.ش
د افغانستان لپاره د ملګرو ملتونو د کډوالو عالي کمېشنرۍ مسوول عرفات جمال وایي، په هرات ولایت کې د ښځو د قالین اوبدلو تر ټولو لوی مرکز چې د واکمنې ډلې د یوه والي په ګډون یې پرانیسته شوې وه، وروسته د امربالمعروف ادارې له لوري تړل شوی دی
عرفات جمال ویلي، په دغه مرکز کې ۳۴۸ ښځو کار کاوه او د نوموړي په وینا، هلته هېڅ نارینه کارکوونکی هم نه و. نوموړي زیاته کړې چې مرکز د ښځو لپاره د کار او عاید ترلاسه کولو مهم فرصت برابر کړی و، خو د امربالمعروف مسوولانو له ورتګ وروسته یې فعالیت درول شوی دی
د هغه په وینا، د دې مرکز د پرانیستلو لپاره د واکمنې ډلې له یوه مسوول سره هوکړه شوې وه او د هماغه والي په ګډون یې پرانیسته هم ترسره شوې وه، خو وروسته بلې ادارې د مرکز د فعالیت مخالفت وکړ او هغه یې بېرته وتاړه
عرفات جمال د واکمنې ډلې د ادارو ترمنځ د همغږۍ نشتوالي ته په اشارې ویلي، یو مسوول ورسره د یوه کار د ترسره کولو هوکړه کوي، خو بل مسوول راځي او هماغه پرېکړه ردوي
د دې مرکز تړل کېدل په داسې حال کې دي چې په افغانستان کې د ښځو پر کار او اقتصادي فعالیتونو محدودیتونو د نړیوالو بنسټونو اندېښنې زیاتې کړې دي. د ښځو لپاره د کار فرصتونو کمېدل د هغو کورنیو پر اقتصادي وضعیت هم اغېز کوي چې د ژوند لګښتونه یې د ښځینه غړو پر عاید پورې تړلي دي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl