اخبار فوری
انقره/کابل:ترکیې په افغانستان کې د جمهوریت ۱۰۳مه کلیزه ونمانځله؛ هرات کې د ویزو ورکړه هم پیلېږي
فــــهــــيـــم شـاهـیـن
11 عقرب 1405
36
انقره/کابل:ترکیې په افغانستان کې د جمهوریت ۱۰۳مه کلیزه ونمانځله؛ هرات کې د ویزو ورکړه هم پیلېږي
(بریانیوز دوشنبه (۱۱/ عـقـرب/۱۴۰۵هـ.ش
په افغانستان کې د ترکیې سفارت او د دغه هېواد ولایتي قونسلګریو د ترکیې د جمهوریت د جوړېدو ۱۰۳مه کلیزه او د دغه هېواد د بنسټګر مصطفی کمال اتاترک د یاد ورځ ونمانځله
د دغو مراسمو په لړ کې د ترکیې د ډیپلوماټیکو استازولیو د چارواکو ترڅنګ د افغانستان د واکمنې ډلې یو شمېر چارواکو هم ګډون کړی و او د ترکیې د جمهوریت د کلیزې په مناسبت یې د مبارکۍ پیغامونه وړاندې کړي دي
د ترکیې جمهوریت د جوړېدو کلیزه د دغه هېواد له مهمو ملي مناسبتونو څخه ده چې هر کال د اکتوبر په ۲۹مه نمانځل کېږي. په همدې مناسبت د اتاترک یاد هم تازه کېږي، چې د معاصرې ترکیې د بنسټ اېښودونکي په توګه پېژندل کېږي
بلخوا، د دغو مراسمو یوه ورځ وروسته ترکیې اعلان کړی چې په هرات کې به یې قونسلګري افغانانو ته د ویزو ورکړه پیل کړي. د دې پرېکړې له مخې، په لوېدیځ افغانستان کې مېشت افغانان به وکولای شي د ویزې د ترلاسه کولو لپاره د هرات له قونسلګرۍ څخه خدمات ترلاسه کړي
د هرات په قونسلګرۍ کې د ویزو د ورکړې د بهیر پیل د هغو افغانانو لپاره مهم پرمختګ بلل کېږي چې د ترکیې د سفر، زدهکړو، سوداګرۍ او نورو موخو لپاره ویزې ته اړتیا لري؛ خو د ویزو د غوښتنلیکونو د څرنګوالي، اړینو اسنادو او د خدماتو د پیل د کره نېټې په اړه نور جزئیات نه دي ورکړل شوي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl