اخبار جهان

فلسطین غزه: د درد په منځ کې د خوښۍ خوږه لحظه

اشتراک گذاری:

غزه – محمود الیّان، یو تن تازه فارغ شوی ځوان چې جګړې د رفح له جنوبي ښار څخه منځنۍ غزې ته بې‌ځایه کړی، د خپل زېږني ښار یوې ګڼه خوږیو پلورنۍ ته ولاړ و. پر مخ یې د ارام، هیلو او خوښۍ روښانه موسکا ځلیده؛ هغه موسکا چې د دوو کلونو جګړې هم نه شوه ورنه غلا کولی

هغه د فلسطین دولتي ټلوېزیون سره په خبرو کې په خوښۍ ډک غږ وویل:

"زه نن بې‌حده خوشحاله یم. دلته راغلی یم چې شیریني واخلم او خلکو ته یې ووېشم، ځکه له ډېرې مودې وروسته هغوی یو ځل بیا د خوږو خوند او د جشن هوا احساسوي

محمود وایي چې د جګړې، بمبارۍ او بې‌ځایه کېدو دوه کلنه توره دوره نه یوازې کورونه وران کړي، بلکې د خوښیو، جشنونو او هیلمنو شیبو رنګ هم خړ کړی دی. او نن د هغه لپاره نه یوازې د فراغت ورځ ده، بلکې د هیلې، انساني مینې او ژوند د بیا پیل ورځ ده

خو د ټولو لپاره دا ورځ دومره ساده او خوږه نه ده. ګڼ شمېر فارغان او کورنۍ وايي چې د فراغت د ورځې په خوښۍ کې د هغو عزیزانو د نه شتون درد هم ورسره مل دی، هغه کسان چې د جګړې د لمبو قرباني شول یا لا هم بې‌ځایه دي

:یوه ځايي اوسېدونکي په ډېر تاثیرونکي انداز وویل

ژوند مو تریخ شوی، خو موږ باید یو پر بل خوږ پاتې شو. همدا زموږ اصلي شتمني ده

په غزه کې د جګړې تر سیوري لاندې ځوانان لا هم زده‌کړې کوي، هیلې جوړوي او د روښانه سبا لپاره هڅه نه پرېږدي؛ ځکه هغوی باور لري چې تورې شپې نه شي کولی د یو ملت د امید څرک مړ کړي