سرلیک: ډونالډ ټرمپ وایي امریکا کولای شي د ایران جګړه په لنډ وخت کې پای ته ورسوي

سرلیک: ډونالډ ټرمپ وایي امریکا کولای شي د ایران جګړه په لنډ وخت کې پای ته ورسوي

بریانیوز:(پنجشنبه،۱۳حمل۱۴۰۵)

 د امریکا ولسمشرډونالډ ټرمپ ویلي چې هېواد یې کولای شي دایران پر وړاندې روانه جګړه له دوو تر درېیو اوونیو کې پای ته ورسوي. هغه ټینګار کړی چې د جګړې د پای ته رسېدو لپاره د ایران له لوري کوم تړون ته اړتیا نشته او امریکا کولای شي پرته له دې هم خپل عملیات پای ته ورسوي

نوموړي په خپلو خبرو کې ویلي چې د امریکا پوځ په سیمه کې بشپړ چمتووالی لري او که اړتیا پېښه شي، نو جګړه به په چټک او اغېزمن ډول پای ته ورسوي. د هغه په وینا، د اوږدې جګړې دوام نه د امریکا په ګټه دی او نه هم د سیمې د هېوادونو لپاره ښه پایلې لري

ډونالډ ټرمپ زیاته کړه چې د امریکا موخه دا ده چې جګړه ژر پای ته ورسوي او سیمه بېرته ارام حالت ته راولي. هغه وویل چې که څه هم امریکا د سولې غوښتونکې ده، خو د خپلو ملي ګټو د ساتنې لپاره به هر اړین ګام واخلي او هېڅ ډول ګواښ ته به بې ځوابه پاتې نه شي

بل لور ته، دتهران) چارواکو تر اوسه د دغو څرګندونو په اړه رسمي غبرګون نه دی ښودلی، خو مخکې یې ویلي وو چې د بهرني فشار پر وړاندې به خپل دریځ بدل نه کړي او د خپل هېواد د خپلواکۍ او خاورې د ساتنې لپاره به کلک اقدام وکړي

سیاسي شنونکي وايي چې د ټرمپ دا ډول څرګندونې ښايي د ایران پر وړاندې د فشار زیاتولو یوه هڅه وي، څو تهران د خبرو مېز ته حاضر شي. د دوی په اند، دا خبرې کولای شي د دواړو خواوو ترمنځ د اړیکو په بدلون کې مهم رول ولوبوي

خو ځینې نور کارپوهان بیا اندېښنه لري چې دا ډول څرګندونې به تاوتریخوالی نور هم زیات کړي او کېدای شي جګړه پراخه شي. دوی وايي چې که دواړه لوري له احتیاطه کار وانخلي، نو وضعیت به لا پېچلی شي او د سیمې امنیت به له جدي ګواښ سره مخ شي

په همدې حال کې، نړیوالو خواوو له دواړو لورو غوښتي چې د ستونزې د حل لپاره سوله ییزې لارې وکاروي او د خبرو له لارې د تاوتریخوالي مخه ونیسي. د دوی په وینا، جګړه هېڅکله دایمي حل نه دی او یواځینۍ لار د تفاهم او خبرو ده

راپورونه ښيي چې د سیمې خلک هم د جګړې له دوام څخه اندېښمن دي او غواړي چې ژر تر ژره سوله ټینګه شي، څو عادي ژوند بېرته خپل عادي حالت ته وګرځي