اخبار فوری
فــــهــــيـــم شـاهـیـن
22 ثور 1405
26
ایران: امریکا ته په وروستي ځواب کې د جګړې پای او د شتمنیو خوشې کېدو غوښتنه شوې
بریا نیوز (سه شنبه،۲۲ثور ۱۴۰۵)
د ایران د بهرنیو چارو وزارت ویاند اسماعیل بقایي ویلي، د امریکا متحده ایالاتو ته د ایران په وروستي ځواب کې د جګړې د پای ته رسېدو، د سمندري کلابندۍ د ختمېدو او د کنګل شویو شتمنیو د خوشې کېدو غوښتنې شاملې وې
نوموړي ویلي، تهران په خپلو غوښتنو کې ټینګار کړی چې د سیمې روانه ترینګلتیا باید پای ته ورسېږي او پر ایران لګېدلي فشارونه او محدودیتونه ختم کړل شي
د راپورونو له مخې، د ایران دغه دریځ په داسې وخت کې څرګندېږي چې د سیمې سیاسي او پوځي حالات لا هم ترینګلي دي او د خبرو اترو او اوربند د ټینګښت لپاره هڅې دوام لري
شنونکي وایي، د ایران له لوري د سمندري کلابندۍ د پای او د شتمنیو د خوشې کېدو غوښتنې ښيي چې تهران غواړي د اقتصادي فشارونو کمېدو او د نړیوالو اړیکو د نرمېدو لپاره نوي ګامونه پورته شي
بلخوا، نړیوالې کړۍ د واشنګټن او تهران ترمنځ د خبرو اترو هرکلی کوي او باور لري چې د کړکېچ کمېدو لپاره ډیپلوماټیکې هلې ځلې مهم ارزښت لري
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl