اخبار فوری
فــــهــــيـــم شـاهـیـن
22 ثور 1405
29
ټرمپ: له ایران سره اوربند کمزوری شوی؛ تهران د تاوان او بندیزونو لرې کېدو غوښتنه کړې
بریا نیوز (سه شنبه،۲۲ثور ۱۴۰۵)
د امریکا ولسمشر ډونلډ ټرمپ ویلي، له ایران سره روان اوربند “په ډېر کمزوري حالت” کې دی
او د تهران له لوري د خبرو اترو وړاندیز ته ورکړل شوی ځواب “هېڅ د منلو وړ نه دی
ټرمپ د دوشنبې په ورځ ویلي، ایران په خپل ځواب کې د هغو زیانونو د تاوان غوښتنه کړې چې د امریکا او اسرائیل د بریدونو له امله رامنځته شوي دي. هغه زیاته کړې، تهران د هرمز تنګي پر خپل واک د رسمي منلو، د امریکا د سمندري کلابندۍ د پای ته رسېدو، د راتلونکو بریدونو د مخنیوي ډاډ او د بندیزونو د لرې کولو غوښتنې هم کړې دي
د راپورونو له مخې، د تهران دغه دریځ په داسې وخت کې څرګندېږي چې سیمه لا هم د پوځي او سیاسي ترینګلتیاوو تر سیوري لاندې ده او نړیوالې هڅې د اوربند د ټینګښت او د خبرو اترو د بیا پيل لپاره روانې دي
بلخوا، د ایران د پارلمان مشر محمد باقر قالیباف خبرداری ورکړی چې هېواد یې د هر ډول تیري کوونکي اقدامپر وړاندې د سخت او پرېکنده غبرګون بشپړ چمتووالی لري
شنونکي وايي، د واشنګټن او تهران ترمنځ د شرطونو او غوښتنو ژور اختلافونه ښيي چې د دواړو خواوو ترمنځ د باور فضا لا هم نازکه ده او د روان کړکېچ د بشپړ پای لپاره به اوږدو او سختو خبرو ته اړتیا وي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl