صحّت

د ۴۶ میلیون ډالرو په ارزښت د لابراتوار کمپلکسونو تړون لاسلیک شو

اشتراک گذاری:

بریا نیوز (پنـجـــه شنبه،۲۳ثور ۱۴۰۵)

د د معیار او کیفیت اداره او یوه نړیوال هندي شرکت ترمنځ د معیاري لابراتوار کمپلکسونو د جوړولو او تجهیز قرارداد د ۴۶ میلیونه امریکایي ډالرو څخه په زیاته ارزښت لاسلیک شو

دغه تړون د ملا عبدالغني برادر په حضور کې لاسلیک شوی، چې د اقتصادي معاونیت د ریاست‌الوزراء له لوري یې پر اهمیت او د ملي کیفیتي نظام د پیاوړتیا پر اړتیا ټینګار شوی دی

د خبر له مخې، د دې پروژې هدف د هېواد دننه د معیاري لابراتوارونو عصري کول، د کیفیت د کنټرول سیسټم پیاوړتیا او د تولیداتو د نړیوالو معیارونو سره سمون دی، څو افغان محصولات د کور دننه او بهر په بازارونو کې لا ډېر اعتبار او رقابت ترلاسه کړي

مسوولین وایي، د دې کمپلکسونو په جوړېدو سره به د بېلابېلو توکو د ازموینې، څېړنې او کیفیت ارزونې ظرفیتونه زیات شي او د وارداتي او صادراتي توکو د معاینې بهیر به لا چټک او شفاف شي

ملا عبدالغني برادر په دې غونډه کې ویلي چې اقتصادي ثبات او ځان‌بسیاینه د حکومت له لومړیتوبونو څخه دي او د معیاري زیربناوو پراختیا د ملي اقتصاد د پیاوړتیا لپاره اساسي رول لري

نوموړي زیاته کړې چې د پانګونې د جذب، د کیفیت د لوړولو او د تولیدي سکتور د ملاتړ لپاره د داسې پروژو عملي کېدل کولی شي د هېواد په اقتصادي پرمختګ کې مهم بدلونونه رامنځته کړي

اقتصادي شنونکي باور لري چې دا ډول سترې پروژې د افغانستان د صادراتو د کیفیت د لوړولو، د سوداګرۍ د اسانتیا او د نړیوالو بازارونو سره د سیالۍ د زیاتوالي لپاره مهم ګام بلل کېږي

په ورته وخت کې د خصوصي سکتور استازي هم وایي چې د معیاري لابراتوارونو پراختیا به د سوداګرو لپاره د باور فضا پیاوړې کړي او د هېواد د اقتصادي نظام په عصري کولو کې به اغېزمن رول ولوبوي