مقاله

خلیلزاد: د افغانستان او پاکستان ترمنځ ترینګلتیاوې بیا لوړې شوې دي

اشتراک گذاری:

بریانیوز- جمعه ٢۹ جوز ١٤٠٥

د افغانستان د سولې لپاره د امریکا پخواني ځانګړي استازي زلمي خلیلزاد د امارت اسلامي له لوري د خیبر پښتونخوا او بلوچستان په ځینو سیمو کې د داعش پر مرکزونو د وروستیو بریدونو په اړه ویلي چې د افغانستان او پاکستان ترمنځ تاوتریخوالی یو ځل بیا د زیاتېدو په حال کې دی

نوموړي له پاکستانه غوښتي چې د پوځي غبرګون پر ځای د ډیپلوماسۍ او خبرو اترو لاره غوره کړي او له افغانستان سره د داسې هوکړې لپاره خبرې وکړي چې له مخې یې د دواړو هېوادونو خاوره د هېڅ ډلې یا افرادو له لوري د یو بل پر ضد د امنیتي ګواښونو لپاره ونه کارول شي

خلیلزاد په خپل پیغام کې پر سعودي عربستان، قطر،عربي اماراتو، ترکيه او نورو هېوادونو هم غږ کړی چې خپل ډیپلوماټیک هڅې بیا پیاوړې کړي څو افغانستان او پاکستان د ګډې همکارۍ له لارې د امنیتي ستونزو حل ته ورسېږي

هغه ټینګار کړی چې د سیمې ثبات یوازې د دوامداره خبرو او متقابلې همکارۍ له لارې تضمین کېدای شي، او د شخړو زیاتوالی د دواړو هېوادونو لپاره زیانمن دی