اخبار فوری
فــــهــــيـــم شـاهـیـن
06 سرطان 1405
59
مارک روبیو: د ایران سره د سولې هوکړه کې به د خلیج هېوادونو ګټې خوندي شي
بریانیوز- شنبه ۶ سرطان ١٤٠٥
د امریکا بهرنیو چارو وزیر مارک روبيو ویلي: چې واشنګټن د ایران سره د هر ډول احتمالي سولې یا هوکړې د رامنځته کېدو پر مهال د خلیج هېوادونو ګټې او امنیتي اندېښنې په پام کې نیسي
روبیو د بحرین د سفر پر مهال څرګنده کړې چې متحده ایالات غواړي د ایران په اړه د خبرو اترو او راتلونکو پرېکړو په بهیر کې د سیمې شریک هېوادونه هم خبر وساتي
نوموړي ټینګار کړی چې امریکا به د خلیج هېوادونو ته له ایران سره د مذاکراتو او احتمالي هوکړو ټول مهم جزییات شریکوي، څو د سیمې هېوادونه د پرېکړو له بهیر څخه لرې پاتې نه شي
د امریکا بهرنیو چارو وزیر ویلي چې د واشنګټن هدف یوازې د یوه سیاسي توافق رامنځته کول نه دي، بلکې د سیمې د ثبات، امنیت او د متحدینو د ګټو ساتنه هم د دې بهیر مهمه برخه ده
ټاکل شوې چې روبیو د پنجشنبې په ورځ په بحرین کې د خلیج همکاریو شورا په غونډه کې ګډون وکړي او له سیمهییزو چارواکو سره د امنیتي او سیاسي موضوعاتو په اړه خبرې وکړي
سیاسي شنونکي وایي چې د امریکا دغه دریځ د دې ښکارندوی دی چې واشنګټن غواړي د ایران په اړه هر ډول راتلونکی تفاهم د خلیج متحدینو د اندېښنو په پام کې نیولو سره مخته یوسي، په داسې حال کې چې د سیمې امنیتي وضعیت لا هم له ګڼو ننګونو سره مخ دی
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl