اخبار فوری
هوايي برید-د کونړ پر منورې ولسوالۍ د پاکستان هوايي برید؛ یو ملکي کور ویجاړ شو، لسګونه څاروي له منځه ولاړل
فــــهــــيـــم شـاهـیـن
08 سرطان 1405
6
هوايي برید-د کونړ پر منورې ولسوالۍ د پاکستان هوايي برید؛ یو ملکي کور ویجاړ شو، لسګونه څاروي له منځه ولاړل
بریانیوز-دوشنبه ۸ سرطان ١٤٠٥
کونړ – د کونړ ولایت د امنیه قوماندانۍ چارواکي وایي، پاکستاني جنګي الوتکو د دغه ولایت د منورې ولسوالۍ په برولو سیمه کې پر یوه ملکي کور هوايي برید کړی، چې له امله یې کور په بشپړه توګه ویجاړ شوی، خو د برید پر مهال چاته ځاني زیان نه دی اوښتی
د کونړ د امنیه قوماندانۍ ویاند فرید دهقان ویلي، برید تېره شپه شاوخوا ۱۲ بجې ترسره شوی او د سیمې د یوه اوسېدونکي، اسحاق، استوګنیز کور یې په نښه کړی دی
د نوموړي په وینا، که څه هم په دې برید کې د انسانانو مرګژوبله نه ده رامنځته شوې، خو شاوخوا ۳۰ سره څاروي له منځه تللي او کورنۍ ته یې درانه مالي زیانونه اوښتي دي
ځايي چارواکي دغه برید د ملکي سیمو په نښه کول بولي او وایي چې د استوګنې کورونو زیانمنول د سیمې د اوسېدونکو ترمنځ اندېښنې زیاتې کړې دي
دا پېښه په داسې وخت کې رامنځته کېږي چې د افغانستان او پاکستان پر پوله وروستیو امنیتي پېښو او هوايي بریدونو د دواړو هېوادونو ترمنځ د کړکېچ کچه لوړه کړې او د سیمې د امنیتي وضعیت په اړه یې نوې اندېښنې راپارولي دي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl