اقتصاد

د واخان دهلېز؛ ایا افغانستان به د چین له بازارونو سره ونښلول شي؟

اشتراک گذاری:

بریانیوز شنبه - ۲۰ سرطان ١٤٠٥

کابل – له کلونو راهیسې د افغانستان او چین ترمنځ د مستقیمې ځمکنۍ اړیکې د رامنځته کېدو هڅې روانې دي، او د بدخشان ولایت د واخان ولسوالۍ دهلېز د دواړو هېوادونو ترمنځ د اقتصادي او سوداګریز اتصال یوازینۍ مستقیمه لاره ګڼل کېږي

طالبانو د واخان سړک د جوړولو چارې په دوو پړاوونو کې پیل کړې دي. د کلیو د بیارغونې او پراختیا وزارت د روان هجري لمریز کال د غبرګولي په ۲۶مه اعلان کړی و چې د واخان د سړک د جوړولو ۷۵ سلنه چارې بشپړې شوې او تمه ده چې دا پروژه په نږدې راتلونکي کې بشپړه شي

خو د افغانستان د ټرانسپورټ او هوايي چلند پخوانی وزیر وایي، یوازې د سړک جوړېدل د چین او افغانستان ترمنځ د سوداګرۍ او ټرانزیټ د پراخېدو لپاره بسنه نه کوي. د هغه په وینا، د واخان په دهلېز کې د نړیوالو معیارونو له مخې د لویې لارې، اوسپنې پټلۍ او نورو بنسټیزو زیربناوو جوړول میلیاردونو ډالرو پانګونې ته اړتیا لري

شنونکي هم باور لري چې د واخان دهلېز کولی شي افغانستان د سیمې له مهمو اقتصادي دهلېزونو سره ونښلوي، خو ټینګار کوي چې د دې سترې پروژې عملي کېدل به د امنیت، پراخې پانګونې او د سیمه‌ییزو همکاریو له پیاوړتیا پرته ممکن نه وي