مقاله

د جرمني محکمه: حکومت نه شي کولای د افغانانو د بیا مېشتېدو ټولې ژمنې یو ځل لغوه کړي

اشتراک گذاری:

بریانیوز - جمعه، ۲ اسد ١٤٠٥

برلین – د جرمني فدرالي اساسي محکمې ویلي، د دغه هېواد حکومت نه شي کولای د افغان وګړو د بیا مېشتېدو ټولې ژمنې په یوه پرېکړه لغوه کړي، بلکې هره دوسیه باید په جلا ډول وڅېړل شي

د جرمني رسنیو د راپور له مخې، دې محکمې د یوې افغانې مور او د هغې د دوو ماشومانو د دعوې په اړه پرېکړه کړې چې د ۲۰۲۱ کال په ترڅ کې د «بشري حقونو لېست» په نوم پروګرام له لارې جرمني ته د لېږد لپاره ټاکل شوي وو

محکمې د دغې کورنۍ په ګټه پرېکړه کړې او ویلي یې دي چې حکومت باید د بیا مېشتېدو د ژمنو په اړه د هر غوښتونکي وضعیت په جلا توګه وارزوي او د ټولو کسانو لپاره عمومي لغوه کول قانوني بنسټ نه لري

د افغانانو لپاره دغه پروګرام وروسته له هغه جوړ شوی و چې په ۲۰۲۱ کال کې په افغانستان کې سیاسي بدلون رامنځته شو او جرمني هڅه وکړه چې له خطر سره مخ افغان وګړو ته د انتقال زمینه برابره کړي

د محکمې دا پرېکړه په داسې حال کې شوې چې په وروستیو میاشتو کې د جرمني د افغان کډوالو د منلو او انتقال پروګرامونو د راتلونکي په اړه بحثونه زیات شوي دي