سفر

نږدې پنځه سوه کډوالې کورنۍ پرون هېواد ته راستانه شوې

اشتراک گذاری:

بریانیوز - جمعه، ۲ اسد ١٤٠٥

کابل – د کډوالو د ستونزو د هواري عالي کمېسیون ویلي، د پنجشنبې په ورځ د تورخم، سپین‌بولدک، اسلام‌کلا او ورېښمو پله له لارو ۴۹۹ کډوالې کورنۍ بېرته هېواد ته راستنې شوې دي

د کمېسیون د خبرپاڼې له مخې، راستنې شوې ۶۰۸ کورنۍ د هېواد بېلابېلو ولایتونو ته لېږدول شوې او ۵۹۲ کورنیو ته نغدي مرستې هم وېشل شوې دي

همدارنګه، په تېرو څلورویشتو ساعتونو کې په ننګرهار، فراه، دایکنډي، نیمروز او ارزګان ولایتونو کې د ۱۳۲۲ راستنو شویو کورنیو لپاره د استوګنې د ځمکو نومرې وېشل شوې دي

د کډوالو د ستونزو د هواري عالي کمېسیون وایي، د راستنېدونکو کورنیو د ځای پر ځای کېدو، لومړنیو اړتیاوو د پوره کولو او د ژوند د اسانتیاوو برابرولو لپاره هڅې روانې دي او له بېلابېلو ادارو سره په ګډه د مرستو بهیر دوام لري