اخبار جهان

نیویارک: د ملګرو ملتونو عمومي اسامبلۍ د ولکر ترک کاري موده وغځوله

اشتراک گذاری:

بریانیوز - شنبه، ۳ اسد ١٤٠٥

د ملګرو ملتونو عمومي اسامبلۍ د روسیې، اسراییل او امریکا له مخالفت سره سره، د بشري حقونو د عالي کمېشنر ولکر ترک د دندې موده د څلورو نورو کلونو لپاره وغځوله

د رایې اچونې په پایله کې ۱۴۴ هېوادونو د هغه د کاري مودې د غځولو ملاتړ وکړ، ۱۰ هېوادونو مخالفت وکړ او ۱۳ نورو ممتنع رایې ورکړې

د رویټرز د راپور له مخې، امریکا د دې پرېکړې له اعلان وروسته خبرداری ورکړی چې ښايي له ملګرو ملتونو سره د خپلې مالي همکارۍ په اړه بیا کتنه وکړي

ولکر ترک په وروستیو کلونو کې په اوکراین کې د روسیې د جګړې، په غزه کې د اسراییلو د پوځي عملیاتو او د امریکا د کډوالۍ په توقیف‌ځایونو کې د ځینو بندیانو د مړینې په اړه سختې نیوکې کړې دي. د دغو څرګندونو له امله روسیې، اسراییل او امریکا د هغه له دریځونو سره مخالفت څرګند کړی دی

سره له دې مخالفتونو، د ملګرو ملتونو د غړو هېوادونو اکثریت د ولکر ترک د کاري مودې د غځولو ملاتړ وکړ او هغه ته یې د راتلونکو څلورو کلونو لپاره د خپلې دندې د دوام باور ورکړ