افغانستان: په نهو ولایتونو کې د سېلابونو له امله ۹ کسان مړه شوي دي

اشتراک گذاری:

بریانیوز - شنبه، ۳ اسد ١٤٠٥

د طالبانو تر واک لاندې د پېښو پر وړاندې د چمتووالي او مبارزې ملي ادارې ویلي، په تېرو ۲۴ ساعتونو کې د سختو ورښتونو او راوتلو سېلابونو له امله په نهو ولایتونو کې ۹ کسان مړه شوي او یو بل کس ټپي شوی دی

د دغې ادارې د معلوماتو له مخې، وروستیو سېلابونو د خلکو کورونو، کرنیزو ځمکو، سړکونو او نورو شتمنیو ته هم پراخ مالي زیانونه اړولي دي

چارواکو ویلي، د زیانمنو سیمو د وضعیت د ارزونې، د خلکو د اړتیاوو معلومولو او د مرستو رسولو لپاره هڅې روانې دي

په وروستیو ورځو کې د افغانستان یو شمېر ولایتونه د سختو بارانونو او سېلابونو شاهد دي چې له امله یې ګڼو کورنیو ته مرګ‌ژوبله او مالي زیانونه اوښتي دي

د پېښو پر وړاندې د چمتووالي اداره له خلکو غوښتي چې د سېلابونو پر مهال د خطرناکو سیمو له اوسېدو او تګ‌راتګ څخه ډډه وکړي او د اړوندو ادارو لارښوونې په پام کې ونیسي