مقاله

پېښور : سترې محکمې د افغان مېرمنې د اېستلو مخه ونیوله؛ د تابعیت ورکولو امر

اشتراک گذاری:

بریانیوز/ شنبه( ۱۷ / اسد /۱۴۰۵هـ.ش)

پېښور – د پېښور سترې محکمې د پلوشې بي‌بي په نوم د یوې افغان مېرمنې له پاکستانه د اېستلو مخه نیولې او د دغه هېواد د تابعیت ادارې نادرا ته یې امر کړی چې نوموړې ته دې په شپږو میاشتو کې د پاکستان تابعیت ورکړي

پلوشې بي‌بي، چې له یوه پاکستاني وګړي سره یې واده کړی، د خپلې وکیلې ثناء ګلزار له لارې محکمې ته عریضه کړې وه او له محکمې یې د خپل قانوني وضعیت د روښانه کېدو غوښتنه کړې وه

محکمې په خپله پرېکړه کې ویلي چې د نوموړې ماشومان هم د پاکستان د نافذه قوانینو له مخې د دغه هېواد د تابعیت حق لري

په ورته وخت کې، په پېښور کې د افغان کډوالو استازو ویلي چې د کورنیو او ودونو له امله شاوخوا ۵۰۰ زره افغان او پاکستاني وګړي له یو بل سره کورنۍ اړیکې لري

د کډوالو استازي ټینګار کوي چې د افغان او پاکستاني کورنیو ترمنځ د دغو اړیکو له امله باید د تابعیت، استوګنې او تګ راتګ موضوعات له بشري او قانوني پلوه په پام کې ونیول شي