اقتصاد

تاشکند : فرغانه کې د افغان سوداګرو او ازبک چارواکو ترمنځ د اقتصادي همکاریو د پراختیا خبرې

اشتراک گذاری:

بریانیوز/ شنبه( ۱۷ / اسد /۱۴۰۵هـ.ش)

تاشکند – د ازبکستان د فرغانې والي خیرالله بوزروف د یو شمېر افغان سوداګریزو شرکتونو له استازو سره په لیدنه کې د اقتصادي اړیکو د پراختیا او د ګډو پانګونو پر فرصتونو خبرې کړې دي

په دې لیدنه کې د دواړو لورو ترمنځ د پخوانیو هوکړو د عملي کېدو ترڅنګ، د نویو ګډو پروژو د پیل او تنظیم پر اړتیا هم ټینګار شوی دی

افغان سوداګرو د فرغانې ولایت د صنعتي او اقتصادي ظرفیتونو ستاینه کړې او ویلي یې دي چې د کرنې، ترانسپورټ او انرژۍ په برخو کې پانګونې ته لېوالتیا لري

د فرغانې والي خیرالله بوزروف ویلي، د دغه ولایت اداره چمتو ده چې د افغان سوداګرو له لوري د پانګونې له پروژو هر اړخیز ملاتړ وکړي او د دواړو لورو ترمنځ سوداګریزې اړیکې لا پراخې کړي

دواړو خواوو هیله څرګنده کړې چې د ګډو اقتصادي پروژو پراختیا به د افغانستان او ازبکستان ترمنځ سوداګري زیاته او د خصوصي سکټور د پانګونې لپاره به نوې لارې پرانیزي