اخبار فوری
فــــهــــيـــم شـاهـیـن
19 عقرب 1405
36
بنګلهدېش : د شیخ حسینې د نوي پاسپورټ او پېژندپاڼې غوښتنه رد کړې
(بریانیو سه شنبه (۱۹/ عـقـرب/۱۴۰۵هـ.ش
د بنګلهدېش د پخوانۍ صدراعظمې شیخ حسینې واجد د نوي پاسپورټ او پېژندپاڼې د ترلاسه کولو غوښتنه د دغه هېواد د بهرنیو چارو وزارت رد کړې ده
حسینه، چې دا مهال په هند کې جلاوطنه ده، د خپل هېواد له سیاسي استازولۍ غوښتي وو چې د پاسپورټ او پېژندپاڼې د بیا جوړولو چارې یې ترسره کړي، څو بېرته بنګلهدېش ته ستنه شي
د بنګلهدېش د بهرنیو چارو وزیر ویلي، حکومت یې غواړي شیخ حسینه د هند او بنګلهدېش ترمنځ د بندیانو د تبادلې د تړون له مخې بېرته هېواد ته راولي او نوموړې په اوسنیو شرایطو کې د نوي پاسپورټ د ترلاسه کولو حق نه لري
شیخ حسینه واجد دوه کاله وړاندې د محصلینو په مشرۍ د پراخو لاریونونو او د حکومت پر ضد د ولسي پاڅونونو په پایله کې له واکه لرې او هېواد پرېښودو ته اړ شوه
نوموړې اوس په بنګلهدېش کې د معترضانو د وژنې، فساد او یو شمېر نورو قضیو له امله له تورونو سره مخ ده. د هغې د بېرته ستنېدو موضوع په داسې حال کې مطرح کېږي چې د بنګلهدېش حکومت له هند سره د نوموړې د سپارلو په اړه د خبرو او حقوقي لارو چارو د تعقیب غوښتنه کوي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl