اخبار فوری
فــــهــــيـــم شـاهـیـن
19 عقرب 1405
2
هرات : د ۹ میلیونه ډالرو په پانګونه د المونیمي ویلونو عصري کارخونه فعاله شوه
(بریانیو سه شنبه (۱۹/ عـقـرب/۱۴۰۵هـ.ش
په هرات کې د لومړي ځل لپاره د «المونیم ویل فورس» په نوم د المونیمي ویلونو د تولید یوې عصري کارخونې په ۹ میلیونه امریکايي ډالرو پانګونې خپل فعالیت پیل کړی دی
دغه کارخونه د هرات په صنعتي ښارګوټي کې جوړه شوې او د افغانستان د صنایعو او کانونو خونې د دارالانشاء رییس، عبدالمتین قلندري یې پانګهوال دی
د معلوماتو له مخې، دا د افغانستان لومړنۍ عصري تولیدي کارخونه ده چې د سپکو او درندو موټرو لپاره المونیمي ویلونه د نړیوالو معیارونو له مخې تولیدوي
د کارخونې د تولیدي وړتیا په اړه ویل شوي چې په ورځ کې د ۱۰۰۰ المونیمي ویلونو د جوړولو ظرفیت لري او له ۱۱ څخه تر ۲۴ انچو پورې په بېلابېلو اندازو ویلونه تولیدوي
اوسمهال په دې کارخونه کې ۶۵ هېوادوالو ته په مستقیم ډول د کار زمینه برابره شوې ده. د مسوولانو په وینا، د تولیدي ظرفیت او فعالیتونو په پراختیا سره به په راتلونکي کې زرګونو نورو کسانو ته هم د کار فرصتونه برابر شي
د دې کارخونې په فعالیت سره به د موټرو د پرزو د کورني تولید په برخه کې یو نوی صنعتي ګام پورته شي او د هېواد دننه به د المونیمي ویلونو د جوړولو زمینه برابره شي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl