متقي: له افغان مخالفینو سره د مذاکراتو هېڅ اړتیا نشته

اشتراک گذاری:

د طالبانو د بهرنیو چارو وزیر امیرخان متقي وايي، اسلامي امارت له افغان مخالفینو سره د خبرو او مذاکراتو هېڅ اړتیا نه ویني.

بریانیوز- جمعه ٢٣ اسد ١٤٠٥

متقي د BBC سره په یو مرکی کي ټینګار کړی چې د طالبانو په باور، په افغانستان کې د جګړې او سیاسي بحران مرحله پای ته رسېدلې او له همدې امله له مخالفینو سره د مذاکراتو لپاره کوم دلیل نه شته.

نوموړي ویلي، مخالفین دې افغانستان ته راشي او د هېواد د نورو وګړو ترڅنګ خپل ژوند ته دوام ورکړي. د متقي په وینا، د افغانستان په اړه د نظر ورکولو او د سیاسي دریځ نیولو پر ځای باید مخالفې څېرې د هېواد اوسنی وضعیت ومني.

متقي زیاته کړې چې اسلامي امارت د مخالفینو له لوري د مذاکراتو غوښتنې ته اړتیا نه ویني او د افغانستان د راتلونکي په اړه پرېکړه به د اوسني نظام له لارې ترسره کېږي.