سیاست

معصوم ستانکزی: د طالبانو ناکاره سیاستونو افغانستان له ژور بحران سره مخ کړی

اشتراک گذاری:

بریانیوز/ جمعه ( ۲۳ / اسد /۱۴۰۵هـ.ش)

د تېر حکومت د سولې د مذاکراتي پلاوي مشر معصوم ستانکزي وايي، د طالبانو ناسمو سیاستونو افغانستان له ژور ناورین او پراخو اقتصادي او ټولنیزو ستونزو سره مخ کړی دی

ستانکزي په یوه تازه ټلوېزیوني مرکه کې ویلي، د طالبانو پر وړاندې د خلکو نارضایتي مخ په زیاتېدو ده او په وینا یې، دغه وضعیت یوازې په تبلیغاتو او رسمي څرګندونو نه شي حل کېدای

نوموړي ویلي، بې‌کاري، فقر او د ښځو د حقونو محدودېدل هغه عمده عوامل دي چې د خلکو نارضایتي یې زیاته کړې ده

د تېر حکومت د مذاکراتي پلاوي مشر خبرداری ورکړی چې که طالبان په خپلو سیاستونو کې بدلون رانه ولي او د خلکو غوښتنو ته پام ونه کړي، د ولسي غبرګونونو د پراخېدو احتمال شته

ستانکزي ټینګار کړی چې د افغانستان د اوسنیو ستونزو د حل لپاره یوازې امنیتي او تبلیغاتي اقدامات بسنه نه کوي، بلکې د خلکو اقتصادي، ټولنیزو او سیاسي غوښتنو ته هم باید پاملرنه وشي

تر اوسه طالبانو د معصوم ستانکزي د دغو څرګندونو په اړه کوم رسمي غبرګون نه دی ښودلی. د طالبانو حکومت بیا په وار وار ویلي چې په افغانستان کې امنیت ټینګ شوی او د هېواد اقتصادي او ټولنیز وضعیت د ښه کېدو په حال کې دی