اخبار جهان

ولسمشر ډونالډټرمپ: د ایران پوځي ځواکونه سخت ځپل شوي دي

اشتراک گذاری:

بریانیوز/ شنبه ( ۲۴ / اسد /۱۴۰۵هـ.ش)

واشنګټن – د امریکا ولسمشر ډونالډ ټرمپ ادعا کړې چې د ایران د سپاه پاسداران، سمندري او هوايي ځواکونو وړتیاوې په سختو بریدونو کې زیانمنې شوې دي

ټرمپ ویلي، د ایران پوځي ځواکونه «بد رقم ځپل شوي» او په وینا یې، ایران نور په منځني ختیځ کې هغه هېواد نه دی چې پخوا یې د سیمې د بې‌ثباته کولو لپاره پراخ نفوذ درلود

نوموړي ویلي: «د خدای شکر ادا کوم چې ایران نور د منځني ختیځ بدمعاش ګوټی نه دی.»

د امریکا ولسمشر د ایران د پوځي وړتیاوو په اړه دا څرګندونې په داسې مهال کړې چې د واشنګټن او تهران ترمنځ اړیکې لا هم له سختو ترینګلتیاوو سره مخ دي

د ټرمپ څرګندونو ته تر اوسه د ایران حکومت رسمي غبرګون نه دی ښودلی، خو تهران په تېرو څرګندونو کې ټینګار کړی چې د هېواد پوځي او دفاعي وړتیاوې یې خوندي دي او د بهرني فشار پر وړاندې به مقاومت ته دوام ورکړي

د دواړو هېوادونو ترمنځ کړکېچ په سیمه کې پر امنیتي وضعیت سربېره، د انرژۍ او نړیوالو بازارونو پر وضعیت هم اغېز کړی او د احتمالي پراخېدو په اړه یې د نړیوالې ټولنې اندېښنې زیاتې کړې دي