اخبار فوری
فــــهــــيـــم شـاهـیـن
03 میزان 1405
41
نیویارک : د تاجکستان او یوناما مشرې د افغانستان او سیمهییز امنیت په اړه خبرې وکړې
(بریانیوز جمعه (۳/ میزان /۱۴۰۵هـ.ش
د تاجکستان د بهرنیو چارو وزیر سراجالدین مهرالدین د ملګرو ملتونو د عمومي اسمبلۍ د ۸۱مې غونډې په څنډه کې د افغانستان لپاره د ملګرو ملتونو د سرمنشي له ځانګړې استازې او د یوناما له مشرې رباب فاطمې سره لیدلي دي
د تاجکستان د بهرنیو چارو وزارت د خبرپاڼې له مخې، په دې لیدنه کې د افغانستان وضعیت، سیمهییز امنیت او د یوناما د فعالیتونو د پلي کېدو په تړاو پر مهمو موضوعاتو خبرې شوې دي
مهرالدین په افغانستان کې د سولې او ثبات د ټینګښت لپاره د خپل هېواد پر دوامدارې ژمنتیا ټینګار کړی او ویلي یې دي چې د ترهګرۍ، افراطیت او له پولو هاخوا د امنیتي ګواښونو د مخنیوي لپاره د نړیوالې ټولنې ګډې هڅې اړینې دي
په همدې حال کې، رباب فاطمې د یوناما د اوسنیو لومړیتوبونو او د دې ادارې د راتلونکو فعالیتونو په اړه د تاجکستان د بهرنیو چارو وزیر ته معلومات ورکړي دي
دواړو لورو همداراز د ګډو اندېښنو په اړه د منظمې مشورې او خبرو اترو پر دوام او د همکارۍ د لا پیاوړتیا لپاره خپل چمتووالی څرګند کړی دی
د افغانستان او تاجکستان ترمنځ د امنیتي اندېښنو په دوام، د دواړو لورو ترمنځ د افغانستان د وضعیت او سیمهییز ثبات په اړه بحثونه د ملګرو ملتونو د عمومي اسمبلۍ په څنډه کې د پام وړ موضوع بلل کېږي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl